ein nærverandi og hugnaliga konsert við Eyða Horsdal og bólki í Listastovuni

Fríggjakvøldið 16. Oktober verður ein nærverandi og hugnaliga konsert við Eyða Horsdal og bólki í Listastovuni.

Eyði Horsdal kemur á pallin við nýggjum tilfari og einum vælspælandi bólki afturat sær. Bólkurin arbeiðir í løtuni við eini heildarútgávu, sum verður merkt av nýggjum føroyskum sangum í einum fólksligum og sangbærum stíli.

Eyði hevur gjørt vart við seg við sínum lætta og melodiska tóna og sínum jarðbundnu og sansaligu tekstum. Sangirnir eru bæði lættir og hugnaligir, men rúma samstundis dýpd og álvarsemi.

Lagt er upp til eina serstaka, nærverandi og ikki minst hugnaliga konsert, har tónleikurin, tekstirnir og nærveran fáa pláss — ein konsert við vøkrum melodium og hugnaligum stemningi.

• Eyði Horsdal – sangur, gittari og klaver
• Kristian Pauli Ellefsen – klaver og harmonika
• Arnold Ludvig – bass og gittari
• Gareth Quinn Redmond – violin og gittari (Írland)
• Albert Karch – trummur og orgul (Pólland)